$800日本搞 电车婚礼 !!! 「兵库县站长」就係我老公

2020-06-03 阅读650 点赞178
各位兄台,搵唔到餐餐陪你捱麦记嘅女友唔紧要!最紧要搵到800蚊 婚礼 都收货嘅未来老婆。日本北条铁路搞咗个 电车婚礼 活动,欢迎準新人租车搞婚礼,最平套餐800蚊有找,平时出街食豪啲都差唔多价钱,办婚礼绝对唔係梦。呢个活动上年12月底开始进行,但就唔係太多新人知。只要搵啱季节嚟,路旁就会长满樱花或红叶,影辑靓相就值回票价。

 

有趣 电车婚礼 .站长就係我老公

骤眼睇,呢个婚礼几有feel㗎。新郎打扮成站长,每个来宾都要出示电车帖,人齐就开始仪式。姊妹们或者细细个都会幻想婚礼喺边搞,大多数唔係教堂沙滩,就係花园。不如特别啲,嚟个怀旧式田园电车婚礼,保证一生难忘。不过,如果想成个婚礼睇落高贵啲,或者可以买啲靓啲嘅装饰,譬如放啲花喺车厢,甚或将教堂嘅布置迁移至电车内,感觉就会好浪漫。或者一切从简都未尝唔係好事,最重要喺呢个旅程唔单止係婚礼,仲可以顺道Honey Moon,一举两得,悭返唔少㗎。

$800日本搞 电车婚礼 !!! 「兵库县站长」就係我老公
喺到影相几有feel㗎,可以顺道取景,补影婚纱相(
$800日本搞 电车婚礼 !!! 「兵库县站长」就係我老公
新郎打扮成站长(网上截图)
$800日本搞 电车婚礼 !!! 「兵库县站长」就係我老公
上车前出示电车帖(网上截图)
$800日本搞 电车婚礼 !!! 「兵库县站长」就係我老公
车箱布置得靓啲,成件事就好高贵(网上截图)
$800日本搞 电车婚礼 !!! 「兵库县站长」就係我老公
差不多礼成!(网上截图)
3色电车任你拣 婚礼最平$790

呢到有3种颜色电车俾新人拣,包括红色、紫色、绿色,每隔车坐到55至57人,连埋企位一共容纳到116至120人,请几围亲友嚟观礼都得呀!虽然每隔车可载人数量唔同,但价钱都係一样,视乎新人想唔想兜风。如果选择唔行车,每辆车一个钟11,000円(约港币$790),行车就一小时22,000円(约港币$1,575),单程或回来任你拣,但当然要「老黎」就拣单程嘅爱情号,如果来回的话…你明啦!行车路线由「北条町駅」到「粟生駅」,共8个车站。

$800日本搞 电车婚礼 !!! 「兵库县站长」就係我老公
三种颜色电车任你拣,相同价钱(
$800日本搞 电车婚礼 !!! 「兵库县站长」就係我老公
车头贴上準新人名字(网上截图)

沿途风景花草为主,一路行车一路举行婚礼,感觉就好似坐上南瓜车,走入仙境。其实平平哋都可以有个浪漫婚礼。就算想加钟,不论行咩路线,每小时只需加2,000円(约港币$143),忍唔住都要讲句:「好经济实惠。」相比起喺香港搞电车派对,每小时最平都要$1,550,仲指定最少2小时,即係一程都过三千蚊,不如飞一趟日本搞婚礼连蜜月旅行仲抵呢。

$800日本搞 电车婚礼 !!! 「兵库县站长」就係我老公
拣啱季节睇红叶或樱花,着住婚纱影相实好靓(

报名之前不如睇下片,评估自己接唔接受到另类婚礼啦。谂深一层,如果举行婚礼考虑价钱先,旅行结婚就一啲都唔容易。两个人嘅事就话平,如果俾埋亲友机票住宿钱,都係再计过条数好啲⋯⋯再储下钱吧。

$800日本搞 电车婚礼 !!! 「兵库县站长」就係我老公
田园风电车婚礼(
$800日本搞 电车婚礼 !!! 「兵库县站长」就係我老公
怀旧式电车婚礼(

兵库县北条铁路

地址:日本兵库县加西市北条町

备注:有关租车事宜,详情见官方网站。